Hours of the Cross Sext

Hora sexta cristus est cruci conclauatus Et est cum latronibus pedens deputatus, Pre tormentis siciens felle saturatus ; Agnus crimen diluit sic deificatus. v. Adoramus te, criste, & benedicimus tibi, Quia per crucem tuam redemisti mundum. At Midday Ihesu hondes: Þei nayleden to þe Rode,¹ Bi-twene twey þeues: Þei him mhengen as wode; Þei ȝeuen him galle and Eysel: Ihesu þat blisful fode. Serewful were boþe Marie an Ion: Þer þei bi him stode, As folk þat were mad. Whose þenkeþ on Marie serwe: May he neuere be glad. v. Crist, honoured mote þou beo, Þat bouhtest al þe world on treo. or. Lord Ihesu, godes sone: Þat sunful mon wolt not tyne, Bi-twenen vr soules and þi dom: Puttest þe in hard pyne; Þi cros, þi deþ nou and euere: And at vr endyng-tyme Graunte liuinde men: Grace and Merci þyne, To þe dede, rest and pardoun, To churche, pes, loue in londe: To sunful, contricioun. v. Cristes passion, heuene kyng, Bring us to blisse þat is wiþ-outen endyng. Vernon Manuscript, 14th century² Thank you for reading Peregrinus. 1 For unfamiliar vocabulary, please see Middle / Early Modern English Glossary in the “Reference & Guides” section of the Peregrinus page. As ever, please also remember that “þ” = “th” and “ȝ” = “g,” “gh” in the middle of a word; “g,” sometimes “y” at the beginning of a word. 2 See Horstmann, ed. (1892) p. 40 in Books in the “Reference & Guides” section of the Peregrinus page. © 2024 Peregrinus 548 Market Street PMB 72296, San Francisco, CA 94104